Sendu póst á Góðverk
Sendu Steina póst

Sendu Agli póst

Heimasíðan hans Egils
      II      
 








 

 

 

 

11.08.09
Er ekki stórkostlegt þegar menn hafa það fyrir reglu að uppfæra hjá sér heimasíðuna svona eins og einu sinni á ári! Hvernig má það vera að maður fellur alltaf í þessa gryfju? Það vantar ekki að maður ráðleggur kúnnunum sínum eitthvað allt annað! Eins og til dæmis að gera það daglega eða vikulega eða mánaðarlega! Gera eitthvað sem gefur til kynna að síðan sé með lífsmarki! Það sannast hið fornkveðna að betra sé að gefa ráð en að fara eftir þeim!

En ég held reyndar að það sé kominn tími til að tékka á Jágústi eða Agli eða Hólmsaranum og fara að gera eitthvað alvöru! Hvernig væri það?

Og fá þingheim til að fella ICES(L)AVE - Bara svona í leiðinni!

Góðar stundir!

12.02.08
Ég get ekki annað en haft lúmst gaman að því lesa næstu færslu hér á undan - sérstaklega í ljósi þess að ég ætlaði að hefja þessa á orðunum „nú styttist í vorið og sumarið líka!“. Það hlýtur - í besta falli - að teljast lélegt að uppfæra hjá sér síðuna í takt við árstíðirnar. Betur má ef duga skal. Og einn maður er kannski duglegri en annar að minna mig á þessa þreytu: samkennarinn minn úr NTV, hann Jón Ágúst. Lausnin er auðvitað sú að einfalda þetta ferli (eins og er þá er þetta svolítið maus) og festa svo bara niður í töflu hvenær maður bregður fyrir sig betri pennanum! Og það er sko ekkert mál að segja þetta!

Þrautagöngu systur minnar blessaðrar lauk þann 21. janúar. Blessuð verði ætíð minningin um hana.

NTV byrjaði hjá mér í gær. Stærsti hópurinn frá upphafi. Er fjölbreyttur og lofar góðu!

Guðs blessun!

20.10.07
Haustið er komið. Það er nokkuð ljóst. Íslenska fótboltavertíðin að baki og karfan og handboltinn tekin við. Og enski boltinn auðvitað kominn á fleygiferð. Verkefnastaðan þokkaleg - með FRÆ vikurit í broddi fylkingar. Gott blað það! Baráttan hjá systur minni heldur áfram - óska henni vitaskuld blessunar Guðs nú sem endranær. Konan í París  þangað til á morgun. Oooh hvað ég hlakka til að hitta hana aftur!

Og enn og aftur er ég að vonast til þess að ég verði nú duglegri að sýna smálit á þessari síðu minni. Vikulegur komment - það er planið og það er líka lágmark!

Góða helgi!

23.06.07
Jónsmessan í dag! Frábær dagur, hvort sem er til að velta sér uppúr dögginni (í fyrramálið!) eða bara til að gera eitthvað allt annað. Ég skellti mér, fullur tilhlökkunar, á kvartmílukeppni út í Kapelluhraun. Alltaf gaman en ég furða mig samt jafnoft á því hversu lítil virðing er borin fyrir tímasetningum. Þetta er lítið mál að laga (skyldi maður ætla). En hvað um það: Fútt og fjör og tímar niður í 8.3+ sem er bara hreinasta snilld! Síðan verður grillað með stæl á eftir, geri ekki ráð fyrir öðru en að íslenska lambið verði fyrir valinu, eins og yfirleitt áður.

Gleðilegt sumar!

23.03.07
Rauðvínsdagur í dag hjá Hólmsaranum! Það þýðir bara eitt: Hann þorir ekki í púl! En það kemur svo sem dagur eftir þennan!

En góðu fréttirnar eru þessar sem blasa við. Ég er farinn að uppfæra síðuna mína. Þökk sé Mr. Holmes fyrir það! ... og af því að ég er í svo rosalega góðu skapi þá ætla ég að ... nei ég get kannski ekki lofað vikulegri uppfærslu – eða hvað! Látum reyna á það samt! Að lokum langar mig að segja hæ við samviskusama nemendur mína hjá NTV!

Góða helgi!

09.05.06
Jæja nú gengur þetta ekki lengur! Vera duglegri að uppfæra síðuna! En ekki hvað? Þessa dagana eru nemendurnir í NTV svo duglegir að kíkja á síðuna að það er eins gott að þau sjái að maður er að uppfæra! Hahaha! Rosalega mikið að gera um þessar mundir, langur verkefnalisti og mikil spenna framundan. Nema í kosningunum! Það stefnir í gott sumar. Guði sé lof fyrir það.